El Grupu asturianu de ska y fusión La Tarrancha cellebra los sos quince años d’andanza musical con una xira y un nueu discu, “Bailando con llokes”, de la que “El Ferreru” ye’l primer alantru

Esti ye pa La Tarrancha un añu de celebración, hai 15 años de la so nacencia y de la so primer grabación d’estudiu. Anguañu compaxinen una xiruca de primavera colos preparativos de “Baillando con llokes”, discu que tán a puntu de grabar y col que quieren, precisamete, cellebrar esos quince años de camín baillando con lloques.

El Ferreru foi grabáu nel estudiu de confianca del grupu Tutu Estudios cola produción de Sergio Rodriguez y Sergio Díaz Montes . Na grabación collaboró Daniel Alvarez, multi-istrumentista sobradamente conocíu nel panorama folk pola so participación n’estremaes bandes y avezáu collaborador de La Tarrancha. Primero de que’l discu salga a la cai, la banda cuenta llanzar otru alantru enllenu de collaboraciones y con un vidiu musical colleutivu.

A lo llargo d’estos años, La Tarrancha sacó a la cai cinco discos en solitariu y tien participao  en distintos discos compartíos, recopilatorios o d’homenaxe a otros artistes, incluyéndose nellos temes inéditos o versiones. N’avientu de 2017 salía’l compilatorio infantil “Bestiariu 3” nel que La Tarrancha participa cola tema inéditu “La Ballena”.

2018, 15 años baillando con locs. Xira d’aniversariu y nuevu discu.

Dempués del ésitu del so anterior discu “Elefantes na cacía”, La Tarrancha vuelvi al ataque con un nuevu discu de pura fusión, ensin fae-y ascos a nengún estilu musical, ensin mieu a purismos, nin a la necesidá de tener una etiqueta pa lo que se fai, y como en “Elefantes na cacía”  con muncha más fuercia y enerxía que nos sos primeros trabayos.

Amás d’espublizar en formatu físicu de CD, comparten tola so obra al traviés d’internet como parte de la so filosofía.

Redaición InfoAsturies

This work is licensed under a Creative Commons Attribution 4.0 International License.