Xixón refuercia llazos con Xapón

  • 15 Maio, 2018

Del 26 de mayu al 6 de xunu va tener llugar un intercambiu cultural del Conceyu de Xixón, la Japanase International Artist Society –JIAS- y el Club deas Amies de l’Europe et l’Art (CAEA)

Gracies a los contautos nacionales ya internacionales que caltien el Dptu. de Congresos de Xixón Turismu (Xixón Convention Bureau), el Conceyu recibió a principios de 2017 una propuesta de la Japanase International Artist Society –JIAS- y el Club deas Amies de l’Europe et l’Art (CAEA) para realizar un intercambiu cultural al traviés del arte.

Les rellaciones establecíes dende hai más d’un añu rematen nesti mes de mayu cola esposición “Xapón. Llínea y color. 50 Esposición d’Artistes Visuales Xaponeses”, que va tener llugar nel CC. Antiguu Institutu y que va formar parte de los actos conmemorativos del 150 Aniversariu del Establecimientu de Rellaciones Diplomátiques ente Xapón y España. Pa esta esposición y un programa paralelu d’actividaes va desplazase a Xixón una delegación xaponesa compuesta por 35 persones (artistes y personal de les entidaes co-organizadores).

Esta aición permitió entrar en contautu, al traviés de les redes nel país de JIAS y CAEA, con un perfil de potenciales veceros d’altu interés. Entá nun siendo’l xaponés un mercáu internacional prioritariu pa la ciudá, esta iniciativa que surde al traviés de les manifestaciones artistiques ta dexando crear venceyos personales y direutos con organizaciones nipones qu’aspiramos a qu’espierten l’interés d’una parte del públicu xaponés por Asturies y, más en concretu, por Xixón.

Xustamente l’añu pasáu, nel mes d’abril, el Xixón Convention Bureau sofitó y collaboró cola primer edición del Japanese-Spanish Symposium on Modern Synthetic Methodology, promovido pola Universidá d’Uviéu qu’aconceyó en  Xixón a un importante númberu de científicos xaponeses. Amás, el pasáu branu la coordinadora del Xixón Convention Bureau viaxo a Tokyo pa participar na inauguración de la 18th France-Japan Multinational Contemporary Art Exhibition y p’ufiertar a los asistentes una presentación que, sol títulu “La cultura, una ferramienta pa modelar el futuru”, dio pie a presentar la hestoria, tradición y arte del país focalizando l’atención na redolada natural y los iconos culturales de la ciudá de Xixón.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies