XXXIX Selmana les Lletres

  • 30 Abril, 2018

 

Depués de cerca de cuarenta años combinando cultura y reivindicación, la llingua d’Asturies abulta tar a piques de dar un bon pasu alantre cola so oficialización

Los actos culturales alrodiu les Lletres entamaron ya la selmana pasada y continuarán dica l’ochu de mayu, de tala mena que lo qu’entamó va cuasi 40 años siendo un díe dedicáu a les nueses lletres va camín de tornase nun mes enteru d’eventos dedicaos al asturiano y a la so lliteratura.

Seique en teoría esti añu dedícase a la lliteratura infantil y xuvenil -xéneru perimportante dientro la normalización, al ser imprescindible pa crear nueo lleutores- de fechu esta edición de les Lletres ta fondamente marcada pola revindicación de la Oficialidá.

El ya tradicional manifestamientu que se cellebrará el vienres n’Uviéu a les siete y media la tardi, anantes del actu oficial de l’Academia la Llingua Asturiana, sedrá la segunda que desixe la Oficialidá en quince díes, depués de la multitudinaria rempuesta de la convocatoria del 21 d’abril, a la que retrucaron toles estayes de la sociedá asturiana. L’ésitu d’esta segunda convocatoria ye vital p’afitar el compromisu de los asturianos pa cola so llingua.

Nel ámbetu cultural, once conceyos asturianos recueyen actividades venceyaes a les nueses lletres: Avilés, Ribeseya, Santolaya, El Franco, Carreño, Xixón, Noreña, Uviéu, Corvera, Sieru y Grau ufren un perampliu programa d’esposiciones, feries, llectures poétiques, talleres, alcuentros escolares, concursos lliterarios y audiovisuales, visites guiaes, conciertos, teatru…. Les actividaes entamaron la selmana pasada cola inaguración de la Feria del llibru asturianu en Carreño y l’actu inaugural, L’Alba les Lletres Asturianes, tamién en Carreño, dientro’l Programa Cultural Antón de Marirreguera.

Fuera de les actividaes programaes polos cientros escolares y la Conseyería d’Educación y Cultura, l’Academia de la Llingua Asturiana va cellebrar el so actu académicu istitucional  añal nel Teatru Campoamor, onde la institución va acoyer como académiques a dos profesores de la Universidá d’Uviéu: la hestoriadora y profesora na Facultá de Filosofía y Lletres, Margarita Fernández Mier, y a la profesora na Facultá de Formación del Profesoráu y Educación, pedagoga y socióloga, Isabel Hevia.

 

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies