Midíes pola estabilidá del profesoráu interín

  • 18 Abril, 2018

Disconformidá de los docentes coles midíes d’Estabilidá propuestes pol Conseyeru d’Educación:” nun son les úniques nin son los meyores pal profesariáu asturianu”


Tres les declaraciones per parte de Genaro Alonso, na Comisión d’Educación del Parlamentu asturianu, de que la Conseyería ta estudiando afitar “midíes que dexen garantizar la estabilidá de les plantiyes de los centros, especialmente nos centros de mala cobertoria por tar en zones alloñaes de los grandes núcleos de población”, proponiendo pa ello dar más puntos a los interinos que pasen siquier cuatro años nes zones rurales col envís de facer más petecibles estos puestos de mala cobertoria y menguar la rotación, el sindicatu d’enseñantes SUATEA puntualizó qu’eses nun son los meyores midíes para consiguir la estabilidá, magar cellebren la reconocencia esplicito per parte del conseyeru del problema que supon la escesiva movilidá del profesoráu.
La midía de premiar con más puntos yá s’aplica anguaño a los puestos d’especial dificultá ensin que diere la resultancia esperada. Nel so llugar, proponen garantizar la estabilidá de los equipos docentes combinando una serie de midíes, principalmente la ufierta d’estabilidá por un númberu determináu d’años a los interinos que se comprometan cola so continuidá nestos destinos.
Poro, encamienten a la Conseyería a qu’abra la negociación d’un nuevu alcuerdu d’interinidá que contemple, ente otres, estes propuestes de meyora.
Recordamos que SUATEA convocó xuna FUELGA’l próximu martes, 24 d’abril, pa esixir precisamente un plan d’estabilidá pal profesoráu interín, amenorgar la rotación y torgar los centenares de despidos que se preven pa esti branu.

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies