Ciclu de Cine alrodiu la educación

  • 10 Abril, 2018

La Xunta Estudiantil Asturiana entama n’Uviéu un ciclu coles siguientes películes: La lengua de las mariposas (La llingua les caparines), Ça commence aujord’hui (Güei entama too), Die Welle (La Fola) y Freedom Writers (Escritores por llibre) incluyendo tamien un posterior alderique alrodiu los estremaos temes trataos n’elles

Tolos xueves a les 19:00 dende’l 12 d’abril fasta’l 3 de mayu proyeutarase una de les películes. Les películes sedrán toes nel so idioma orixinal incluyendo sotítulos. El oxetivu nun ye namás pasalo bien sinón tamién facenos varies entrugues ¿Qué ta mal nel actual sistema educativu? ¿Qué ye lo que queremos cambiar? ¿Cómo podemos facelo?

Retrucando a estes entrugues dende la XEA alcuentren cola necesidá d’aniciar la llucha por cambiar la educación pa  con ello tresformar la sociedá. Albidren el cambéu como única forma d’algamar la emancipación personal y como pueblu, “poro creyemos que siguir afondando n’ello ente nosotros y con persones que s’averen a estes xornaes ye pernecesario p’avanzar col cumplimientu los nuesos oxetivos.”

Les proyeiciones son abiertes a cualesquier persona interesao nel tema “porque creyemos que la educación nun ye un tema de los estudiantes, ye dalgo que-y tien que importar a toa la sociedá.”

Redaición InfoAsturies

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies