¡Retu superáu!: Minotity SafePack algamó a tiempu’l so oxetivu y presiona a les istituciones de la Xunión Europea al desendolcu d’una llexislación venceyante que protexa los drechos llingüísticos y culturales de los europeos pertenecientes a minoríes nacionales y/o que falen un idioma de los llamaos minoritarios

El retu que plantegó FUEN,la mayor organización paragües de grupos autóctonos, minoríes hestóriques y grupos de defensa d’estremaes llingües d’Europa, yera abegosu: l’oxetivu yeren el millón de robles anantes del 4 d’abril, pero non de cualisquier orixe, sinón repartíes de manera proporcional pente los estaos miembros de la Xunión, asina que, seique’l millón s’algamó con un escasu marxe de cuatro díes, nun foi sinón un díe anantia del final del plazu cuando tolos estaos cubrieron el so cupu. En total, 1.215.879 europeos reclamaron a través d’esti proyeutu la toma de midíes que torgue y torne’l procesu d’estinción de llingües y cultures n’Europa.

N’Europa somos  más de 50 millones de ciudadanos los pertenecientes a minoríes nacionales non reconocies y/o falantes de llingües en pelligru pola so minorización intencionada.

Nuria Prendes

This work is licensed under a Creative Commons Attribution 4.0 International License.