El grupu municipal de Conceyu Abiertu plantega la cuestión de la desapaición o apropiación pola ilesia del Cementeriu Civíl que, de magar el 1924, esistió en Noreña

Nos llibros del Archivu Municipal alcuentrase rexistrada la propiedá municipal sobre una finca de 70 metros cuadraos, llendante col cementeriu católicu y dedicáu a los enterramientos civiles, coesistente cola propiedá por parte de “La Diócesis” d’otru cementeriu, esti católicu, con una superficie de 1440 metros cuadraos.

Sicasí, y pesi a nun costar en dalu documentu rexistral, en dalgún momentu por circunstancies desconocíes el Conceyu Noreña perdió’l control de la finca de 70 metros cuadraos que-y pertenecía y que yera’l Cementeriu Civil, costando nel Catastru como una sola parcela qu’inclui ambos cementerios y un práu que en so díe perteneció a Carlos Busto y que serviría d’ampliación.

Poro, al paecer poles especificaciones de la finca que’l Cementeriu Civil s’alcontraba nel actual solar del cementeriu y nun esistir documentación que certifique la tresmisión llegal del dominio d’esta finca, dende’l Grupu Municipal de Conceyu Abiertu por Noreña planteguen al equipu de gobiernu les vinientes entrugues: Anguaño, ¿En Noreña esiste un Cementeriu Civil de titularidá municipal o El Cementeriu de Noreña ye íntegramente propiedá de la Ilesia?. Si nun esiste un cementeriu civil ente les propiedaes municipales, ¿Dalgún documentu esplica la pérdida del dominiu de la finca onde s’asitiaba’l cementeriu civil cuyu propietariu yera’l Conceyu?. ¿Y sobre los enterramientos que tendría? Y finalmente ¿ye posible llegalmente recuperarla pa que vuelva a ser propiedá del Conceyu?.

Redaición InfoAsturies

This work is licensed under a Creative Commons Attribution 4.0 International License.