Sidracrucis’18: Pasión Sidrera

  • 12 Marzo, 2018

La procesión más asturiana percorrerá demientres 10 hores les cais y los llagares de Xixón pa cellebrar el Vienres Santu al son de la gaita

Mientres per toa España la Selmana Santa ye sinónimu de llantu y fervor relixosu, n’Asturies ye fecha de sidre y folixa. Espíchense toneles, cellébrase la Primer Sidre l’Añu, les primeres espiches pónense’n marcha… y tou esto entama con una sentía procesión el Vienres Santu, el Sidracrucis, un percorríu per chigres y llagares nel que los participantes amuesen la so devoción al son de la gaita, camudando les saetes pola tonada nun eventu únicu nel mundiu.

Esta orixinal tradición lleva quince años llevando a cientos de pelegrinos sidreros pel so singular “calvariu”, que ca añu camuda de llugar, pero non de sentimientu. La fama del Sidracrucis hai tiempu que trespasó fronteres, siendo avezao qu’acudan pelegrinos d’otros países a acompangar a los asturianos na so pasión sidrera. Pa esta edición el conceyu escoyíu ye Xixón, con al menos 10 chigres y tres llagares a visitar, dos espiches y sidre a esbardiar, pero pa los que vengan d’otros conceyos, habrá autocares dende Avilés y Uviéu.

 

 

 

Memorial Begoña Varillas

Esti añu’l Sidracrucis tará especialmente dedicáu a la memoria d’una de les sos mayores veteranes, Begoña Varillas -na semeya, nel cientru cola asturina-, devota sidrera que dexó dicho na so cabera voluntá que se-y despidiere y se-y recordare siempres pente la sidre.

 

 

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies