Nueves nubes de carbón en Xixón

  • 12 Marzo, 2018

Pesi a que la turbonada d’ayeri taba sobradamente prevista, nun se tomaron les correspondientes midíes por que’l carbón del Musel nun aniciare nueves nubes prietes

El fenómenu, que yá va repitiéndose n’abondes ocasiones, consiste nel arrastre de polvu de carbón procedente de los stocks almacenaos nel puertu del Musel, col que se ta sustituyendo’l carbón autóctono tres los preslles forzosos na minería asturiana. El puertu nun cunta coles condiciones necesaries pal so almacenamientu, lo que prevoca estes espectaculares nubes de contaminación ca vegada que sopla’l vientu, abasnando les partícules escontra la sablera y la ciudá.

Ayeri les estaciones de tou Xixón amosaron un fortísimu xorrecimientu de la contaminación por partícules, llegando a algamar cotes de 130 µg/m3 de Pm10 en Cimavilla y de 130 nel Lloredal, frente a los 50 µg/m establecíos como nivel d’alerta pola yá bien permisiva llexislación aplicada n’Asturies.

Esti carbón, que s’almacena mientres díes nel puertu con destín a les térmiques asturianes y a España, vien d’estremaos países nos que’l mineral ye estrayíu gracies a la esplotación de los mineros en condiciones inhumanes, lo que desplica’l so baxu costu. Colombia ye agora’l principal esportador de carbón al traviés del Musel, con más de 7 millones de tonelaes el pasáu añu, siguíu d’Indonesia y Rusia.

 

Llucía F. Marqués

This work is licensed under a Creative Commons Attribution 4.0 International License.

1 Comment Already

  1. 7 tonelaes ye apenes un camión. Falla daqué.

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies