Abiertu espediente sancionador polos arramaos al ríu San Isidro

  • 7 Marzo, 2018

La primer denuncia, de la C.E.A, yá fuera interpuesta antes inclusive de l’apertura de la residencia, nel añu 2012, por non disponer de la istalación de depuración y saneamientu correspondiente pa un establecimientu d’esta triba

Dempués de cinco años d’arramaos ensin control nin tratamientu d’agües, la Confederación Hidrográfica del Cantábricu vien d’entamar un espediente sancionaor al Conceyu d’Ayer polos vertíos al ríu San Isidro, tien la máxima protección llegal, como “Llugar d’Interés Comuñal” y participa nel suministru d’agua a les localidaes de Mieres y Moreda.

Los arramaos, qu’aportaben direutamente y ensin nengún tipu de depuración al coleutor municipal del pueblu, veníen de les agües residuales de la Residencia del Montepío de Felechosa, yá conocía por protagonizar un importante marafundiu de fondos, desveláu pol nomáu “Caso Villa”.

El proyectu orixinal de la Residencia sí que contemplaba una depuraora, polo que presuntamente recibió’l dineru de Fondos Mineros pa la mesma, anque más palantre’l Conceyu aceuto dar de pasu  la opción más barata, conectase al coleutor de Felechosa, que tendría de tener una depuradora a la fin, pero qu’a fecha de güei nun la tien.

De tal cúmulu de despropósitos surden les denuncies d’ecoloxistes y vecinos que llevaron, a lo último a l’apertura del espediente sancionador.

Redaición InfoAsturies

This work is licensed under a Creative Commons Attribution 4.0 International License.

1 Comment Already

  1. ¡ ¡ Perfecto ! ! Si enchufas tu SION -SOLAR yá se completa el circuito de enegía limpia : )

Deixa unha resposta

O teu enderezo electrónico non se publicará Os campos obrigatorios están marcados con *

This site uses Akismet to reduce spam. Learn how your comment data is processed.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies