Dexando bien claro en qué llínia se mueven los que tan contra los drechos llingüísticos, los mesmos que l’añu pasáu mos dicíen como teníemos de sentir dicen agora como tenemos que falar

Les conesiones de los promotores de la Plataforma escontra la Oficialidá, -un grupu amestáu estrechamente al lobby El Club de los Viernes- con grupos de la estrema drecha fixéronse públiques depués de que se presentaren 11.000 firmes escontra la oficialidá que foren recoyíes por HazteOír, la mesma organización que l’añu pasáu foi recibida a pedraes cuando intentó entrar n’Asturies col so mensaxe d’odiu haza los neños transesuales. Esta plataforma, que promueve pidimientos n’oposición al matrimoniu homosesual, al albuertu y la eutanasia, tamién s’asitia escontra l’asturianu dexando n’evidencia la filiación de quien tan en contra de la reconocencia llegal de los drechos de los asturfalantes.

La organización ultracatólica d’estrema drecha “HazteOir” recoyó les sos firmes al traviés d’una plataforma aniciada en 2013 pol mesmu grupu como la so caña europea”, CitizenGo.

Redaición InfoAsturies

This work is licensed under a Creative Commons Attribution 4.0 International License.