El cantante asturianu Nacho Vegas ye un de los militantes que decidió abandonar el partíu dempués del sofitu del mesmu a un manifestaminetu de policíes y guardies civiles.

Nacho Vegas, conocíu pol socompromisu con diverses causes sociales y fasta agora venceyáu cola rama más crítica dientro de Podemos, formando parte de les llistes anticapitalistes nes primaries del partíu, dio por rematada la so participación cola formación política.

En realidá yá lo alvirtiere nuna entrevista concedíaa a Jot Down hai más d’un añu «Si Podemos se torna nel nuevu PSOE vamos tener que volver a les barricaes».

La gota qu’apinó’l vasu foi la participación de dellos de los diputaos autonómicos de Podemos Asturies nel manifestamientu cellebráu’l pasáu fin de selmana n’Uviéu, na que sofitaben les reivindicaciones de los cuerpos policiales.

Anque Nachu Vegues ye un casu especialmente visible por ser un personaxe públicamente conocíu, son munchos los militantes que consideren que con esta y otres actuaciones asemeyaes los dirixentes de Podemos “paecen nun tener nidio de que llau tán”.

Nuria Prendes

This work is licensed under a Creative Commons Attribution 4.0 International License.