Un cenciellu “Puxa Asturies” acompangáu d’aplausos retrucó a los alborotadores de la opera

Depués de la indignación xeneralizada prevocada pola llamentable actuación d’un grupu d’asturfóbicos nel estrenu de la Ópera “Peleas y Melisande”nel Campuamor demientres l’allocución previa a la obra -na que se dan istruciones, en delles llingües, d’amatar el teléfonu y caltenese’n silenciu- la segunda xornada entamó ensin prevocaciones.

Sicasí, como rempuesta a los altercaos del díe anterior, al finalizar la grabación una voz surdió de pente’l públicu con un “Puxa Asturies” col que representó a tolos asturianos dimpuestos a nun se dexar avasallar poles ca vegada más avezaes agresiones a la nuesa identidá. Nesti casu, namás los aplausos ficieron coru.

La escalada de violencia antiasturiana ta topando cola rempuesta del pueblu, que ya nun ta dimpuestu a aguantar más abusos. Andecha Astur súmase a esti movimientu d’autodefensa “Y énte ca agresión, la nuesa rempuesta, y la dimposición conocía y costante de defender la nuesa tierra, el nuesu país, la nuesa xente”.

Nuria Prendes

This work is licensed under a Creative Commons Attribution 4.0 International License.