El Teatru Xovellanos va ufiertar cuatro produiciones adautaes pa persones con discapacidá sensorial y persones mayores nesta temporada
Teatru Acesible ya’l Teatru Xovellanos de Xixón presenten la primer temporada adautada pa persones con discapacidá auditiva, visual y persones mayores. El proyeutu, qu’anguañu desendolca la so temporada séptima n’otres ciudaes, ye posible gracies al compromisu cola acesibilidá de los muérganos que participen: la Fundación Vodafone España, el Centru de Rehabilitación Llaboral Nueva Vida, la Fundació Els Tres Turons y Aptent Soluciones.
Teatru Acesible ye un programa d’accesibilidá sensorial que garantiza’l serviciu de sotituláu, audiodescripción, bucle magnéticu y soníu de sala en más de mediu centenar de produiciones teatrales.
Asina, delles funciones d’esta temporada del Teatru Xovellanos van cuntar con estos servicios. En concreto, les sesiones de teatru que van tener esta accesibilidá van ser “Oleanna” el 3 de febreru, “La ternura” el 27 d’abril, “Sueño” el díe 28, y “Muñeca de Porcelana” dará’l pieslle a la temporada acesible’l 8 de xunu.
Ente los teatros comprometios cola acesibilidá na so programación afáyense los Teatros del Canal, el Centro Dramático Nacional español, el Teatro Bellas Artes y el Teatro de la Abadía en Madrid, el Teatre Nacional de Catalunya o el Teatre Goya en Barcelona, y el Teatro Calderón en Valladolid ente otros.
Redaición InfoAsturies
This work is licensed under a Creative Commons Attribution 4.0 International License.
