La falta d’inversión estatal, los repitíos retrasos na aprobación de los presupuestos y la prudencia de los conceyos caltienen la inversión n’obra pública so mínimos

La teórica “recuperación” económica “dempués de la crisis” tampoco se dexó notar na llicitación d’obra pública n’Asturies, qu’esperimentó mientres los nueve primeros meses del 2.017 un retrocesu del 14,4% interañal, según s’esprende del informe de Seopan, organización que representa a les mayores constructores y concesionaries d’infracadarmes.

Anque’l “Principado” si que realizó importantes llicitaciones, la clave del descensu ta nes obres dependientes de l’Alministración del Estáu, una y bones los sos proyeutos d’edificación ya infracadarmes baxaron el 65%  y nes de los conceyos, qu’amenorgaron  nun 11%. Prevése que l’ausencia de nuevos presupuestos na Alministración pueda frenar de nuevu la llicitación nel 2018.

Nuria Prendes

This work is licensed under a Creative Commons Attribution 4.0 International License.