El serviciu de visites guiaes n’asturianu podrá esfrutase namás los caberos sábados de ca mes y namás fasta’l 16 de xunetu

El caberu sábadu de cada mes, dende avientu del 2.017 a xunu del 2.018, el Muséu Arqueolóxicu d’Asturies entama visites guiaes en llingua asturiana a les sos esposiciones  col envís d’averar  a los visitantes el mundiu l’arte y la historia d’Asturies na llingua llariega.

Hai dellos itinerarios estremaos, abarcando toles esposiciones del muséu, dende los primeros poblaores a l’Asturies Medieval, pasando pel neolíticu, los castros y la escasa ocupación romana, una perprestosa iniciativa que bien podía ser preámbulu de la disposición de visites guiaes na llingua’l país tol añu.

Por agora y de continuo ya pue alcontrase información n’asturianu nos cartafueyos d’información del muséu, xunto col alemán, l’inglés, l’español ya’l francés.

Nuria Prendes

This work is licensed under a Creative Commons Attribution 4.0 International License.