El baxu preciu lleva la carne roxa a Oriente Mediu

  • 17/01/2018

Pa los ganaderos resulta más rentable vender los animales vivos n’otros países que faelo al traviés de la IXP Xata Roxa: hasta 400 euros más por xatu

La Identificación Xeográfica Protexía Xata Asturiana ta travesando malos momentos, no que cinca a produción. Nun ye que yá non se crie Xata Roxa n’Asturies, sinón que la irrupción de nuevos consumidores que paguen por res ente 200 y 400 € más lleva a los ganaderos a esviar les sos vientes a los países d’Oriente Mediu.

Turquía, Exiptu, Llíbano o Arxelia son dalgunos de los países con mayor demanda de carne d’alta calidá, una y bones los conflictos bélicos finaron cola so producción propia.

Busquen carne bono y que tea vivo, pa ser sacrificao acordies los sos rituales, polo que, anque seyan criaos equí, nun cunten dientro de la producción IXP, qu’esti añu creció oficialmente namás un 1%, bien perbaxo les sos previsiones. El pelligru al mediu plazu ta en que la estabilización d’esos países tres los conflictos armaos acabe con esta fonte d’ingresos.

P’animar a los ganaderos a que sacrifiquen los reses ensin salir del país, en llugar de proponer una xubida de preciu dientro d’Asturies que nun obligue a buscar compradores fuera o meyores na situación de les ganaderíes, la Conseyería de Desendolcu Rural y Agroalimentación encamentó a los productores  baxar la calidá del productu y desdexar sieglos de tradición p’abaratar los costos, abandonando’l modelu tradicional y optando por cebadorios.

Nuria Prendes

Comparti esta noticia

This work is licensed under a Creative Commons Attribution 4.0 International License.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

InfoAsturies

noticies d'Asturies
n'asturianu

Actualidá de los conceyos, llingua, cultura, economía, mediu ambiente y derechos sociales.

Quién somos y llinia editorial

Esti sitiu utiliza cookies. Consulta la política de cookies pa conocer los sos usos.

ACEPTAR
Aviso de cookies