La Secretaría de Muyer de SUATEA y l’Organización de Muyeres de la Confederación de STEs dediquen  el so calendariu añal a les muyeres esportistes

La edición del calendariu de 2018 tien por llema “Tiempu de muyeres, muyeres nel tiempu” y ta especialmente dedicáu a les muyeres qu’algamaron la so relevancia nel ámbetu del esporte, individual o n’equipu.

L’oxetivu d’estos calendarios, que vienen espublizándose va 14 años, ye aportar a tolos centros y convertise en material de trabayu nel  aula, col que visibilizar el papel de les muyeres en distintos ámbitos y poner de relieve la importancia de la coeducación al traviés d’efemérides y d’actividaes que se proponen para desenvolver a lo llargo del cursu lleutivu.

En l’actu de presentación, que tuvo llugar güei mesmo na Biblioteca d’Asturies “Ramón Pérez de Ayala”  participaron les esportistes asturianes Rosa Fernández, escaladora, Rocío Gamonal –campeona mundial de ciclismu de montaña- y l’atleta plusmarquista en media maratón, Rocío Ríos.

Redaición InfoAsturies

This work is licensed under a Creative Commons Attribution 4.0 International License.