• Portada
  • >
  • Conceyos
  • >
  • 224.000 euros d’esención fiscal pa los colexos concertaos d’Uviéu

224.000 euros d’esención fiscal pa los colexos concertaos d’Uviéu

  • 8 Xineru, 2018

La suma de les esenciones a vehículos ecolóxicos, a obres, a viviendes de proteición oficial y les esenciones de tases a desemplegaos malpenes algama esa cifra

 

El proyeutu de presupuestos municipales pa 2018 del Conceyu d’Uviéu inclui una riestra de bonificaciones fiscales y esenciones que supondrán una redución d’ingresos de 8,37 millones de euros pal conceyu. La mayor parte d’esti aforru concéntrase’n reduciones al pagu del Impuestu sobre Bienes Inmuebles y dientro d’esti, rescampla les esenciones de les qu’esfruten los colexos concertaos allugaos n’Uviéu.

De los quince colexos concertaos n’Uviéu que dexarán de pagar parte del IBI, trece declárense católicos, entantu qu’otros dos se definen comu aconfesionales. Pente ellos repartiránse 224.000 euros d’aforru, siendo el coleutivu más beneficiáu por estes midies, siguios de lloñe poles viviendes de proteición oficial, con un aforru de 172.000 y les families numberoses que dexarán d’ingresar nes arques municipales un total de 35.000.

Sicasí, les bonificaciones sol pagu del Impuestu de Costruciones a obres que meyoren l’acesibilidá o la eficiencia enerxética, los edificios protexios y les reparaciones en viviendes protexies, nun tan teniendo muncho ésitu, xuntando pente toes alrodiu de 8.000 € de descuentu.

Tampocu  paecen furrular les midies introducíes na ‘Viñeta’ pa fomentar l’usu de vehículos menos contaminantes, que se reducen a 240 euros en total pa los lléutricos -que paguen la metá de la cuota, y 100 pal únicu coche carbayón que furrula con combustible d’orixen vegetal o gas llicuao.

Nuria Prendes

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies