El 35,5% de los asturianos menores de 30 años atopense en situación de riesgu de probitú o esclusión social, l’emancipación en solitariu resulta prácticamente imposible pa la mocedá. Formar una familia conviértese entós n’una decisión arriesgao

Considerando’l total de les muyeres asturianes, los datos son de 12,32 casos por cada mil muyeres, pero al tratase d’una población tan avieyada, la tasa dispárase cuando se plantega en términos d’edá fértil, algamándose l’añu pasáu una tasa del 25,5 per cientu de los embaranzos, lo que situa al país nel primer puestu d’albuertos por muyer n’edá fértil a la tiesta d’Europa.

Les cifres apunten a que siquier un de cada cuatro de los embarazos finó n’albuertu, cuasi na so totalidá (90%) voluntarios, según los datos del Institutu de Política Familiar (IPF). Llevamos siendo cabezaleros nesta tasa dende hai más de 25 años: Asturies rexistró nel periodu 1991-2016 un total de 53.394 albuertos y tamién cunta col mayor porcentaxe de muyeres qu’albuertaron en más d’una ocasión, el 42 per cientu.

Un factor importante nesti datu ye la cultura tradicional asturiana, na que’l tabú de la interrupción voluntaria del embarazu ye enforma menor que nel estáu español, pero nun hai dulda que la situación socioeconómica, la inestabilidá llaboral ya’l difícil accesu a la vivienda son cuestiones determinantes qu’emburrien a la muyer a tomar esta decisión.

Nuria Prendes

This work is licensed under a Creative Commons Attribution 4.0 International License.