Siete grupos y 8 poetes actuarán de baldre en La Felguera pa sofitar a los paraos y precaries d’Asturies

“Por unes cuenques nes que vivir y trabayar, naide ensin dignidá, vamos entamar a costruyir un pueblu.” Baxo esi llema aconceyen les doce asociaciones qu’esti sábadu 30, de magar les 6 de la tardi, van  celebrar en La Felguera la Gala Solidaria pa colos paraos y trabayaores en precariu d’Asturies. Nella podrán sentise a siete grupos que collaboren cola so actuación pa sofitar de manera solidaria a les asociaciones que recueyen productos de primer necesidá pa repartir pente les persones que pola so situación llaboral tan pasando por un momentu abegosu. Dellos poetes tamién apurrirán la so voz al eventu

Pa los organizaores ta nidio que se trata d’una cuestión de dignidá como pueblu y apuesten pola solidaridá “como mediu de sofitu pente iguales cola que crear una rede que nun dexe cayer a naide”.

La entrada sedrá de baldre, pero recoyeránse donaciones de comida pa les despenses solidaries de paraes y precaries y RSP y pañales de bebé y compreses pa l’asociación Alendar.

Redaición InfoAsturies

This work is licensed under a Creative Commons Attribution 4.0 International License.