Cola esperada negativa de Foru, PP y Ciudadanos, l’astención d’IX foi determinante pa torgar que la propuesta saliera alantre, bloquiando nuevamente les midíes contra la cellebración de corríes de toros en  Xixón

Nuna intervención semada de contradiciones, IX afirmó nun tar a favor de los toros y tar a favor de les consultes,  pero igualmente negar  el so sofitu a la cellebración d’una consulta antitaurina.  Entre los argumentos remanaos destaca l’español:  «hai quien llama a les corríes ‘fiesta nacional’”, dando a entender que nel contestu políticu actual asitiase direutamente contra estes celebraciones podría “faer  que se abriere un alderique más allá de si hai maltratu o non», ello ye, que dende la formación tarrecen que l’alderique reabra la cuestión identitaria asturiana, cuidao que ta bien nidio que la tauromaquia ye una tradición exclusivamente española, ayena dafechu a la nuesa cultura.

Oficialmente, el referéndum propuestu por XSP y ANADEI sobre l’usu d’instalaciones municipales pa la cellebración de festexos taurinos  nun entraría nel alderique cultural nin de maltratu animal, sinón que se centraría nel usu d’instalaciones publiques.

Redaición InfoAsturies

This work is licensed under a Creative Commons Attribution 4.0 International License.