El 14 d’Avientu, de 4 a 7 la tardi, los xixoneses tornarán a aconceyase na Plaza Mayor p’amosar la so refuga a la cellebración d’espeutáculos taurinos na ciudá

Ante la indeterminación de los partíos que dicen tar a la escontra de la tauromaquia, pero que nun tomen midíes contundentes a la so escontra y el decidíu apueste de Foro y PP a favor de la mesma, ANADEI vien de presentar una moción conxunta con XSP na casa Conceyu de Xixón y convoca un manifestamientu de refuga a les corrides de toros el prósimu xueves.
Na so moción ANADEI pidi la “non renovación del contratu de la plaza de toros nin la concesión de prorrogues” alegando qu’unes  fiestes “dexen de selo cuando hai víctimes inocentes”.

Violencia de baldre, marafundiu económicu y aculturación españolista. Asina definía Arturu Bermeyu,  voceru d’Andecha Astur, el toréu, anunciando el sofitu de la organización nacionaliega a los actos escontra esta actividá. “La tortura animal nun forma parte de la tradición asturiana” recalcaba nes sos declaraciones.

Llucía F. Marqués

This work is licensed under a Creative Commons Attribution 4.0 International License.