Dellos de los  fósiles son únicos nel so xéneru a nivel mundial y proceden de La Costa los Dinosaurios, pente les llocalidaes de Xixón y Ribeseya costera a la que da nome la bayura de güelgues y  güesos d’animales xurásicos atopaos nella

Pente les nuees alquisiciones, que s’amiestarán a la esposición permanente, alcuéntrase la única evidencia de rastros de llagartos nel Xurásicu Superior a nivel mundial y l’exemplar fósil más completu d’ictiosauriu alcontráu na  Península Ibérica , alcontráu en Seloriu (Villaviciosa) y que tien una antigüedá d’unos 190 millones d’años.

Otra de les novedaes ye un bloque con siete güelgues de dinosaurios ornitópodos procedente d’Argüero (Villaviciosa) feches por exemplares piqueños, denomaos  Anomoepus, que representen la primer evidencia mundial d’esti icnoxéneru nel Xurásicu Superior.

D’asemeyada importancia son los rastros de llagartos, procedentes de los cantiles de Villaverde (Villaviciosa) que costitúin les úniques impresiones fosilizaes de la época Xurasica Superior de manes y pies d’estos réptiles nel mundiu.  Otra pieza única a nivel mundial son los montones fecales de merucos Xurásicos.

Un esqueletu parcial de dinosáriu ornitópodu alcontrau nos cantiles de Quintueles y un caparazón de tortuga marina (de Colunga) completen les novedaes.

Llucía F. Marqués

This work is licensed under a Creative Commons Attribution 4.0 International License.