Nel so discursu Pablo Iglesias reconoz la esistencia de nacionalidaes hestóriques nel estáu español, pero escaez la más antigua

“Es indiscutible qu’en España hai cuatro nacionalidaes que comparten estáu, la española, la catalana, la gallega y la vasca”, declaró’l cabezaleru de Podemos n’España, ensin que fasta agora se sepa de rempuesta dala dende la delegación podemita n’Asturies.

Asturies esiste como nacionalidá dende anantes del ñacimientu mesmu del conceutu d’España, daqué que cualesquiera con nociones básiques d’hestoria persabe.Na mesma intervención Pablo Iglesias reconoció la so ignorancia al almitir  que “la definición de nación siempres foi daqué enormemente complexo pa la izquierda”.

Nun ye la primer vegada que dende esti partíu s’ignora la esistencia d’Asturies, ya anteriormente na so enumeración de les llingües cometieren el mesmu error, seique llueu “pidieren esculpies” pol despiste.

Redaición InfoAsturies

This work is licensed under a Creative Commons Attribution 4.0 International License.