La propuesta foi presentada por diputaos d’esquierda y/o nacionalistes

Diputaos de Podemos, Compromís, En Comú Podem, EH-Bildu, ERC, En Marea y PdeCat rexistraron nel Congresu dos proposiciones de llei para acabar cola impunidá de los crímenes del franquismu. Per un llau, foi rexistrada una Proposición de Llei para modificar la Llei d’Amnistía y que nun seya aplicable a los crímenes de lesa humanidá perpetaos pola dictadura. Por otru, rexistraron otra Proposición para modificar el Códigu Penal incorporarando el Principiu de Llegalidá internacional.

Representantes del PSOE participaron nes xuntes preparatories d’estes dos iniciatives pero finalmente’l partíu de Pedro Sánchez decidió nun sofitar estes propuestes. Dende la Executiva del PSOE informaron qu’agora tan trabayando nuna ampliación de la Llei de Memoria Hestórica, lo cual puede suponer una reconocencia mayor de les víctimes pero en nengún casu de los responsables de los crímenes.

This work is licensed under a Creative Commons Attribution 4.0 International License.