Maria Jesús Alvarez González, conseyera de  Desendolcu Rural y Recursos Naturales del “Principado” d’Asturies llávase les manes na tema de les quemes forestales, mientres Asturies sigue amburando

Les pallabres de la Conseyera, que declaró que “Si daquién s’emperra en quemar el monte ye difícil tener capacidá de rempuesta”, ofienden a los que carecen los efeutos de les devastaores quemes del caberu mes y fae albidrar lo pior no que cinca a futuribles actuaciones del “Principado” pa torgar la repetición cíclica d’esta llaceria.

Ayeri tornó quemar la Sierra d’Uría, cerca d’Ibias, na mesma fastera qu’amburaren 3.000 hectárees va pocu y declarárense tres nuevos incendios nes cercaníes de Cangas (un d’ellos entá activu).

P’Andecha Astur la responsabilidá ye de la política del “Principado”, al qu’acusa de llendase a “baillar la danza la lluvia cuando toca”, pola ausencia de planificación antiincendios, y apunten como causes de l’andanza de quemes a polítiques como sofitar el monocultivu d’especies pirófiles (ocalitu y pinu) y retayar na contratación de bomberos y brigadistes.

Llucía F,Marqués

This work is licensed under a Creative Commons Attribution 4.0 International License.