La Falcatrúa del Atún “Rojo”

  • 24 Ochobre, 2017
Atún Rojo

David Castañón – www.lesfartures.com – @lesfartures

¡¡Vaya sorpresa!! La Unión Européa alerta d‘un nuevu fraude n‘España por mor del atún “rojo“.

Paez ser que nEspana vienden como frescu atún desconxeláu, y amás con inyeición de remolacha pa que l‘atún semeye colloráu. Esti engañu paez ser qu‘afeuta a 25000 tonelaes y que polo menos 50 persones ufrieron intoxicaciones por mor d‘esti fraude.

Y ye que nun esiste restorán, gastrobarchringuitu, chigre nin casi kiosku nAsturies onde nun ufierten la nueva moda “cool“. L‘atún “rojo”, el colloráu, too l‘añu, a preciu de risión, pa sushitatakitartar o cenciellamente a la plancha. Mientres tol añu, ensin cuntar la temporada l‘atún nin que suel venir de miles de kilómetros.

L‘atún “rojo” ye caro, como’l güe, polo distinto ya esceicional de la so carne. Pero amás pecamos de la fatada les modes de siempres, mientres tenemos equí’l bonitu del Norte, l‘albacora, con una téunica de pesca muncho más respetuosa pa col pexe; encerruscamos nel atún colloráu, que vien del Mediterráneo ya usa téuniques muncho más agresives.

El nuesu bonitu del Norte ye ún de los meyores pexes que podemos comer, la ventrisca de bonitu ye una de les nueses estrelles de la cocina asturiana, ta bona como tea fecha, y esos mesmos platos de cocina asiática podemos facelos col nuesu productu. Pero non, ye meyor consumir la moda de fuera qu‘el productu llocal.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies