El Texu de Bermiegu opta a Árbol Européu del Añu

  • 24 Ochobre, 2017

Los árboles son escoyíos por votación popular al traviés de la páxina ueb de “Árbol del añu”, dica’l 31 d’ochobre

Viesca Ensin Fronteres convoca añalmente’l Premiu Árbol Nacional y Européu del Añu, dirixíos a significar y valorar árboles que por estremaes carauterístiques son merecedores d’una especial reconocencia y respetu social.

Fasta’l momentu’l Texu de Bermiegu atopase en cuarta posición a nivel estatal, polo que sería necesaria una participación masiva de los asturianos pa que llograra’l primer puestu, necesariu para competir col  restu d’árboles europeos.

L’árbol, declaráu Monumentu Natural en 1995, ta allugáu al pie de la Ilesia de Santa María, a un kilómetru del pueblu de Bermiegu, na sierra del Aramo, tien quince metros d’altor, 7’7 de perímetru, 13 d’altor  y 15 de diámetru de copa y amás de ser consideráu un árbol sagráu, según los espertos, tratase del texu más antiguu d’Europa, con más de 2.000 años. Dica agora’l primer puestu ocupalu un pinu d’Avila, de 4,7 metros de perímetru y 16 d’altor, con una antigüedá d’alredor de 250 años.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies