• Portada
  • >
  • Mundiu
  • >
  • SUATEA sal en defensa de los enseñantes catalanes

SUATEA sal en defensa de los enseñantes catalanes

  • 20 Ochobre, 2017

El sindicatu asturianu esclaria nun comunicá que  “el sistema educativu nun sema odiu, namás cumple coles lleis”

Les recientes declaraciones realizaes pol dirixente del Partíu Popular de Cataluña, Javier García Albiol, nes qu’afirma que “Na mayoría de les escueles públiques de Cataluña edúcase para odiar a España” xeneren indignación nos enseñantes asturianos, que caltienen rellaciones fraternales cola la UCSTE, sindicatu d’enseñantes de Cataluña, que los sos docentes foron direutamente señalaos por afirmaciones d’esti calter, que dende SUATEA califiquen de calumnies aporfiando en que nun conocen “la esistencia de nenguna escuela na que s’enseñe a odiar. La so función ye educar y cónstanos qu’asina se fai col esfuerzu de miles de docentes a pesar la masificación de les aules y la precariedá de medios de los que disponen.”

El sindicatu asturianu d’ensiñantes manifiesta la so solidaridá, recalcando que’l modelu educativu qu’esiste en Cataluña respuende al sentir de la inmensa mayoría de la sociedá y denuncia la sospecha d’una campaña “que tien como oxetivu desprestixar el trabayu cotidianu que se realiza na escuela pública col usu d’argumentaciones basaes na mentira”.

Nel so comunicáu resalten el fechu de que les acusaciones d’adoctrinamientu procedan de los qu’impunxeron una llei como la LOMCE, de nidiu perfil ideolóxicu. refugada pola comunidá educativa en plenu. La crítica al sistema catalán resulta especialmente ofensiva si se tien en cuenta el calter nidiamente españolizante de la educación que se carez en tol estáu, Asturies incluyía  “Que nos falen d’adoctrinamientu quien defenden el trabayu d’un Ministru como Wert, que llegó a afirmar nel Parlamentu que’lso oxetivu yera “españolizar al alumnáu de Cataluña”, ye una verdadera ofiensa que refugamos cola máxima enerxía.”

Llucía F. Marqués

This work is licensed under a Creative Commons Attribution 4.0 International License.

1 Comment Already

  1. Como maestra en Cataluña, hija de padre catalán y madre asturiana, os agradezco de corazón vuestra valiosa aportación. Es muy triste oir declaraciones como las del señor García Albiol, entre otros, que imjurian y calumnian con total impunidad.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies