• Portada
  • >
  • Conceyos
  • >
  • Los animalistes d’Uviéu reclamen poder alimentar a los gatos caleyeros

Los animalistes d’Uviéu reclamen poder alimentar a los gatos caleyeros

  • 19 Ochobre, 2017

Sandra Suárez, presidenta de l’Asociación Pro Animales, asegura que les práctiques del colectivu son llegales

Les recientes declaraciones de Mercedes González, conceyala de Salú Pública del ayuntamientu d’Uviéu, afirmando que ta prohibíu alimentar animales caleyeros ensin esceición dalguna, nun prestaron a los miembros de l’Asociación Ciudadana Pro Animales de la ciudá.

La so presidenta, Sandra Suárez, amosó la so disconformidá, y recordó que la so asociación vien dedicándose a alimentar a estos animales de manera llegal nel marcu de les normes que les ordenances municipales imponen.

Dende la plataforma reclamen a la conceyala una clara distinción ente l’actividá de los llamaos cebadores, aquellos qu’apurren a los animales caleyeros restos y bagazos de comida, y la suya, non solamente llegal sinón financiada pol mesmu ayuntamientu, yá que «na ordenanza municipal de convivencia ciudadana pon que ta prohibíu refundiar bagazos o alimentos perecederos p’alimentar a palombes y gatos caleyeros salvo nun casu: cuando se-yos facilita alimentu específicu pa ellos».

Y esa ye precisamente la so actividá, realizada con presupuestu municipal y en collaboración cola nueva xestión del albergue d’Uviéu, «llevamos el control de colonies de gatos caleyeros y los esterilizamos» insiste Suárez.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies