Albert Pla torna a Xixón el 11 de payares

  • 19 Ochobre, 2017

Va actuar na “Sala Acapulco” acompañáu del guitarrista Diego Cortés

Albert Pla vuelve a Xixón pa ufiertar un nuevu conciertu acompañáu del guitarrista xitanu Diego Cortés, que yá compartió escenariu con artistes como Mike Oldfield, Santana, Larry Coryell o Paco de Lucía. L’actuación va cellebrase na Sala Acapulco del Casinu, el día 11 a les 21.00 hores, onde yá actuó en 2015. Les entraes tan a la vienta en Llibrería Paradiso, Casinu d’Asturies y www.ticketea.com

El fechu de que’l conciertu seya realizáu nun recintu priváu va evitar situaciones como la vivida en 2013, que munchos van recordar énte la vuelta del cantante catalán. Entós el Teatru Xovellanos decidió suspender el conciertu previstu nel coliséu municipal, programáu pal 25 d’ochobre de 2013, unos pocos díes enantes de la fecha y con 400 entraes yá vendíes.

La causa foron unes polémiques declaraciones d’esti artista al diariu La Nueva España, nes qu’afirmaba sentir “ascu de ser español”.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies