Concentraciones espontánees contra la quema

  • 17 Ochobre, 2017

Xixón, Uviéu, Samartín del Rei Aureliu, Sieru, Avilés, Cabrales y Llangréu acoyeron protestes contra’l fueu convocaes a traviés de les redes sociales, col hastag #QuemenAsturies 

Na tarde d’ayeri asturianos de dellos conceyos xuntáronse nes places y cais en protesta polos incendios que quemen Asturies. Les concentraciones foron autoxestionaes ya improvisaes, pero la población respondió con contundencia, acudiendo a espresar el dolor y la rabia que siente toa Asturies de magar los incendios que tan desaniciando les nueses viesques.

La perda d’ecosistemes tan significativos como l’alcornocal más importante d’Asturies, en Boxo, (Allande),  difícilmente recuperable tres del so incendiu, o los daños causaos na reserva natural de Muniellos y en tola fastera afeutada, agravaos pola  serondiega fecha del añu – la mayoría de los animales vienen de criar en primavera y branu, colo que pelligra una añada entera de fauna autóctona-  faen d’estes quemes una llaceria de descomanaes dimensiones.

La ciudadanía tien perclaro la gravedá de la situación, non solo pola llaceria ecolóxica que representen, sinón pola certeza de que foron intencionaos  y de que la gran mayoría de los daños evitaríense d’esistir una xestión correcha de los montes y un plan d’incendios afayadizu.

“Tan quemándonos, nun queden contentos con gasificanos a diario, agora direutamente quemen el país” declaraba visiblemente afeutada N.D.F., una de les manifestantes de Xixón, en referencia a los niveles de contaminación que ya se carecíen nel conceyu anantes del incendiu. Dellos manifestantes espresaron tamién la so opinión de que dalgunes de les empreses más contaminantes aprofitaron la ñube de povises d’ayeri pa soltar llibremente les sos emisiones.

Llucía F. Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies