Esisten nicios d’una esviación de fondos públicos

Prosigue la investigación xudicial sobro l’usu realizáu por UXT Asturies de les sovenciones a la formación. La maxistrada-xuez Carmen Blanco accedió a un pidimientu formuláu pol fiscal del casu, Gabriel Bernal del Castillo, que plantega que esisten “nicios racionales qu’apunten a la esistencia d’una esviadura o aplicación a fines distintos pa los que foron concedíos, de fondos procedentes de les sovenciones recibíes poles entidaes UXT Asturies ya Ifes”, fundación perteneciente a la central sindical, y especializada na organización de los cursos.

Poro’l representante del Ministeriu Públicu reclamó que la Intervención Xeneral del Estáu intervenga na causa, en calidá d’auxiliu xudicial, y emita un informe pericial esclariando si “los beneficiarios y entidaes collaboradores cumplieron les sos obligaciones na xestión y aplicación de les mesmes, la corrección de la xustificación realizada y la realidá y regularidá de les aportaciones”.

La propuesta foi darréu aceptada pola maxistrada instructora, qu’ordenó poner a disposición de la Inspección Xeneral del Estáu tola documentación arrexuntada nel xulgáu.

This work is licensed under a Creative Commons Attribution 4.0 International License.