La víctima yera una camarera despidida de la so cafetería
El dueñu del establecimientu unvió una carta a la so exemplegada na que plantegaba caltener rellaciones sexuales “cinco veces a la selmana”, una misiva cuya autoría reconoció y sirvió para conderga-y.
Según la sentencia, la camarera denunciante trabayaba como camarera nuna cafetería de la ciudá. El 1 d’abril de 2015 recibió un burofax de la empresa nel cual comunicábase-y la so baxa por nun superar el periodu de preba. Más tarde, el día 7 d’abril de 2015 la camarera recibió atención mélica nun centru de salú por ansiedá y neurosis. Al día viniente denunció énte la comisaría de policía d’Uviéu que dende’l mes de payares yera oxetu d’acoso sexual.
Foi presentada una demanda per despidu nulu y subsidiariamente improcedente, esixendo amás el pagu d’una indemnización adicional por daños y perxuicios de 30.000 euros. El xuez d’instancia la estimó en parte, declarando improcedente’l despidu y condergando a la empresa a escoyer ente la realmisión o la indemnización coles demás consecuencies llegales inherentes. Más tarde, la demandante interpunxo un recursu de suplicación pa incorporar al procesu una carta recibida’l 6 de xineru de 2015.
El xulgáu de primer instancia apelló al acusáu por esta misiva y sentenció que “les esplicaciones d’este y del testigu sobro la xénesis de la carta son pueriles, falambaldres ya inverosímiles”. Agora la sentencia yá ye firme y contra ella nun s’almite recursu.
This work is licensed under a Creative Commons Attribution 4.0 International License.