El llibrín, col que’l  Conceyu de Xixón da la bienllegada a los nuevos xixoneses siguirá repartiéndose dende l’Hospital de Cagüeñes a toles families que cunten con un nuevu miembru

Esta campaña, qu’entra na so segunda temporada con 750 nuevos exemplares, consiste nel repartu d’un cuadernín del rapacín, onde la familia puede dir anotando los sos datos y vezos de magar la so nacencia, con espacios pa semeyes y separtaos con pallabreru.

El llibrín ta empobináu a les families que vienen de tener un fíu o una fía y tien l’envís de venceyar a los rapacinos cola so llingua dende la nacencia,  afalando a les mas y pás a que-yos tresmitan la llingua asturiana como materna ya que ye persabío que les pallabres sentíes nos primeros meses de vida son perimportantes nel futuru.. Pa facilitar el llabor, el llibru  apurre un llistáu de pallabres-suxerencia coles que falar al nasciatu.

Tamién amiesta un llistáu de nomes asturianos pa mas indecises col nome… o pa  futuros hermanos.

Redaición InfoAsturies

This work is licensed under a Creative Commons Attribution 4.0 International License.