• Portada
  • >
  • Mundiu
  • >
  • Erdogan y Rohani se comprometen a collaborar contra la independencia del Kursdistán

Erdogan y Rohani se comprometen a collaborar contra la independencia del Kursdistán

  • 6 Ochobre, 2017

Los presidentes de Turquía ya Irán afirmen que nun van almitir la desintegración d’Iraq nin de Siria

Nuna rueda de prensa dambos dirixentes criticaron a Estaos Xuníos ya tamién a Israel pol so supuestu sofitu a la creación d’un estáu curdu, manifestando que nun reconocen nenguna llexitimidá al referéndum realizáu nel Kurdistan iraquí.

Anque Turquía ya Irán tienen intereses antagónicos na rexón, por exemplu en Siria, onde Teherán auxiliaba al Gobiernu mientres que Ankara sofitó a los rebeldes, agora prioricen otros intereses, yá que tarrecen que l’exemplu de los kurdos de Siria ya Iraq pueda ser siguíu poles minoríes kurdes de les sos Estaos. Por eso entienden la independencia del Kurdistán iraquí como una amenaza pa la so “seguridá nacional”. De fechu Turquía yá empecipió la construcción d’un muriu para bloquiar económicamente a la nueva entidá política y atrabancar el llabor de los contrabandistes kurdos.

Por mor de la espansión del Estáu Islámicu, les poblaciones kurdes de Siria ya Iraq quedaron abandonaes poles sos Estaos y los sos respectivos exércitos. Esta situación de desprotección permitó al empar que obligó a movilizar y ampliar les propies fuercies armaes de autodefensa. Tres los ésitos de les milicies kurdes onde fracasaron los militares regulares, esta independencia militar implicó una mayor autonomía en rellación al Estáu. De fechu’l Kurdistán iraquí yá funcionaba na práctica como un Estáu semiindependiente.

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies