Prepárase yá en Xixón l’alcuentru añal d’actividaes pal coleutivu de discapacitaos físicos

El díi 27 d’ochobre’l Salón d’actos y polideportivu del Centru Municipal Integráu de Pumarín Xixón Sur van ufiertar información y demostraciones en direutu d’esportes y actividaes que’l coleutivu de discapacitaos físicos ta llevando a cabu nesti ámbitu, afondando n’aspeutos rellacionaos colos Xuegos Paralímpicos ya l’esporte d’Altu Nivel

Esti alcuentru, entamáu pol Clú esportivu Cosa Nuesa, APTAA, y FEDEMA ta especialmente dirixíu a centros escolares y estudiantes de TAFAD (Téunicu n’Animación d’Actividaes Físiques y Esportives) pero tamién conviden al públicu  xeneral a conocer en detalle la so actividá.

La xornada va dar empiezu’l díi 27 a les 9 y media de la mañana, con una mesa reonda que va axuntar deportistes d’altu nivel y téunicos esportivos; de siguío y dica les dos de la tardi, nel polideportivu, van asocedese les amueses de modalidaes esportives adautaes (baloncestu, esgrima, slalom, etc.)

Como complementu a esti Forum, del 2 al 13 de payares va poder visitase una esposición temática na sala d’esposiciones del Centru Municipal Integráu Pumarín Xixón Sur.

Llucía F. Marqués

This work is licensed under a Creative Commons Attribution 4.0 International License.