Ye un mural del artista italianu Agostino Iacurci

Los vecinos de Pumarín van poder esfrutar yá d’un nuevu “árbol” na so redolada nel marcu del Parees Fest, el festival de grafiti y pintura mural que promueve l’Ayuntamientu d’Uviéu. L’italianu Agostino Iacurci, un muralista reconocíu a nivel internacional, afiguró un gran pumar na paré d’un bloque de viviendes de l’avenida de Pumarín.

Iacurci anduvo dellos díes per Uviéu conociendo la ciudá y los vecinos le propusieron que’l mural representara la identidá del barriu. Pumarín provien de la pallabra asturiana pumar polo que Iarcurci optó por pintar un árbol de mazanes coles cañes enllenes de páxaros.

El Parees Fest va siguir cola presencia n’Uviéu de la catalana Anna Taratiel, que va pintar la fachada d’un edificiu de viviendes na cai Lorenzo Abruñedo, en Ciudá Naranco, del 6 al 12 d’ochobre.

This work is licensed under a Creative Commons Attribution 4.0 International License.