Ayeri entregáronse nel Teatru Palacio Valdés d’Avilés los Premios Meyor Cantar, nos que Luis Núñez y los Folganzanes foron los ganaores con un tema del so segundu discu, “Xuro nun tornar”
Los cuatro intérpretes o grupos finalistes -Bras Rodrigo con ‘Naquel malecón’, Odeón del Paganéu con ‘Soi ya vengu de Tinéu’, Luis Nuñez y los Folganzanes con “La ñeve y la esperanza” y Hoboken Band con ‘Sonrises nel Cielu’ actuaron en direutu na Gala d’entrega del X Premiu al Meyor Cantar, nel Teatru Palacio Valdés d’Avilés, cola ganaora del añu pasáu, Anabel Santiago,
Depués d’escuchar los cantares, un xuráu independiente, formáu por persones rellacionaes con ámbitu de la música asturiana escoyeron el meyor cantar del añu 2017: ‘La ñeve y la esperanza’, incluyíu nel discu ‘Xuro non tornar’, el segundu de la formación, lliderada por Luis Núñez y que cunta colos músicos “Folganzanes” Arturo Ávila (percusión), Marcos Díaz (baxu), Diego Infiesta (guitarra), Armando Fernández (teclaos) y Rubén Alba (gaita y whistle).
El premiu del certame, que cumple esti añu’l so décimu añu, consiste na escultura “ La payarina”, obra esclusiva de Mª Xesús Rodríguez y l’espardimientu y promoción del tema en medios de comunicación y eventos entamaos pol “Principado”.
Llucía F. Marqués
This work is licensed under a Creative Commons Attribution 4.0 International License.
