El llunes empecipien una fuelga indefinida

La plataforma sindical de la xusticia asturiana convocó esti miércoles una manifestación poles cais d’Uviéu. Los miembros de la plataforma se consideren marxinaos pol Gobiernu autonómicu y reclamen el fin de la discriminación salarial.

El llunes tienen anunciada una concentración, coincidiendo cola apertura del añu xudicial, cola que va ser aniciada una fuelga indefinida a la que tan convocaos unos 1238 funcionarios.

Esta decisión foi aprobada poles asamblees de trabayadores esistentes en distintos llugares del país, tres refugar la cabera ufierta gubernamental d’una subida de 100 euros en catorce pagues mensuales.

Los trabayadores demanden el pagu d’un complementu específicu d’ente 200 y 300 euros, pues son los únicos funcionarios de xusticia de toles Comunidaes Autónomes cola competencia tresferida que nun lo cobren.

This work is licensed under a Creative Commons Attribution 4.0 International License.