La votación foi realizada con una participación del 78%

Foi cellebráu nes cuatro provincies de Dohuk, Erbil, Suleimaniya y Halabja, que oficialmente constitúin la Rexón autónoma del Kurdistan iraquí, asina como nes provincies Kirkuk, Diyala y Nínive, que dependen alministrativamente del Gobiernu iraquí pero que tan controlaes poles fuercies de seguridá kurdes.

El Gobiernu d’Iraq, especialmente feble dende l’apaición del Estáu Islámicu, nun tien medios para torgar el procesu independentista. De fechu poco más podía facer que solicitar a la comunidá internacional que suspendiera’l comerciu de petróleu col gobiernu autónomu d’esti territoriu.

Por embargu los Gobiernos de Turquía y d’Irán amosaron la so oposición al referéndum yá que lu consideren un exemplu peligrosu pa les poblaciones kurdes anguaño integraes nos sos Estaos.

El presidente de Turquía, Erdogan, inclusive unvió al so Exércitu a realizar maniobres militares na frontera alvirtiendo que “Podemos llantanos nel Kurdistán iraquín de sópitu, nuna nueche”. El Parllamentu de Turquía amás anovó nuna sesión estraordinaria una moción que dexa al so Exércitu intervenir n’Iraq y Siria pa protexer la integridá territorial d’estos Estaos.

La República d’Irán zarró les sos fronteres terrestres y anunció la suspensión de tolos vuelos con destín o orixe al Kurdistán iraquí.

El Gobiernu de Siria sicasí adoptó una actitú daqué más moderada considerando “inaceptable” el referéndum pero amosándose dispuestu a negociar una autonomía colos kurdos del so Estáu.

This work is licensed under a Creative Commons Attribution 4.0 International License.