Na celebración del díe d’E.A representantes d’estremaes nacionalidaes europees  acomuñaron na necesidá d’un frente común pol drechu a decidir de los pueblos

Una dellegación d’Andecha Astur desplazóse a Iruña el pasáu fin de selmana pa compartir con E.A.  l’Alkartasuna Eguna, qu’esti añu tuvo fondamente marcáu pol sofitu al pueblu catalán nel so referéndum del domingu prósimu

La cellebración oficial cuntó, amás de cola intervención de dellos miembros d’Eusko Alkartasuna , cola participación de Jill Evans, europarlamentaria del partíu  independentista galés Plaid Cymru, qu’apurrió la experiencia del so pueblu nel Camín de la soberanía.  Tres de sentir les sos pallabres, el secretariu xeneral d’Eusko Alkartasuna, Pello Urizar, destacó la principal desemeyanza pente otros procesos  independentistes y los desendolcaos nel estáu Español “Gustaríanos tener un estáu de la calidá democrática de Canadá ya’l Reinu Xuníu, pero tenemos lo que mos toca, España, un estáu que priorizará siempres l’ imperiu de la llei, de la so llei, per delantre de la democracia… la llei nun puede ponese per delantre de la voluntá del pueblu”. Pello amosóse convencíu de que’l prósimu 1 d’ochobre la sociedá catalana “va a poder votar pa decidir  el so futuru”  y animó a crear un “segundu frente pola democracia” que continúe la llucha entamada en Cataluña.

L’actu tuvo animáu por una actuación  de crítica cómica que, en dellos sketches, asonsañó la pluralidá del pueblu navarru.

Llucía F. Marqués

This work is licensed under a Creative Commons Attribution 4.0 International License.