Esti domingu 17 de setiembre una Bici Manifestación Contra la Contaminación del Aire va percorrer les cais de Xixón  pa desixir el drechu a alendar un aire más sano

La Bici Manifestación va salir de la Casa Conceyu de Xixón a les 11:30 h pa percorrer les cais de la ciudá cola so denuncia de los altos niveles de contaminación que se tán careciendo en toa Asturies y más en concretu en Xixón, de resultes principalmente de les emisiones de les industries cercanes.

Alrodiu la una del mediudía ta prevista la llegada del pelotón al Parque de Lloredal, onde los participantes van atopar meses informatives, una esposición de semeyes y delles actividaes d’arruelu, incluyendo bailles y espectáculos circenses, qu’en casu de llover treslladaránse a la pista cubierta.

De siguío, siempres que l’agua lo permita, tola ciudá ta convidada a participar nuna xinta popular “de traxe” nos praos del parque.

Redaición InfoAsturies

This work is licensed under a Creative Commons Attribution 4.0 International License.