Cerveza Caleya

  • 15 Setembro, 2017
Cerveza Caleya

David Castañón – www.lesfartures.com – @lesfartures

Allá pol 2011 Pablo del Cabanón guardome un par d’amueses d’una nueva cerveza que tres chavales empezaben a faer en Rusecu. Entamaba un cambéu “d’enclín” nel mundu la cerveza, y Bélxica, Inglaterra y Alemaña perdíen cierta hexemonía respeuto al mundu de la cerveza artesano (craft beer) que taba puxando n’EEXX.

Asina nos presentaron Silver, César yá’l so hermanu Gonzaga, Cerveza Caleya. Xuniéndose a esta filosofía de la Cerveza Artesano, crearon la so Asturies Pale Ale, una cerveza amarga, de 4,5% que nun podíes dexar de beber. Por fin, teníamos una cerveza asturiana de calidá. Y pa un cerveceru, que lleva bebiendo, agasayando y amando cerveces de too’l mundu, nin vos maxináis l’arguyu qu’eso supunxo.

Dende entós namoramos de Caleya, pola so filosofia, pola so cenciellez y porque siempres tuvieron les idees nidies. Decidieron siguir cuando tristemente dexónos Gonzaga, y dende entós Silver y César nun pararon de lluchar, d’espoxigar, y sobremanera, de faer bona cerveza.

Con un espurrión que poques empreses n’Asturies puedes igualar, pero ensin dexar de tener como base la calidá, comprobaron que la nave de Rusecu quedábase-yos pequeña. Pasaron de 20000 a 90000l n’unos años; y agora, tres la imposibilidá d’ampliar nave na zona, decidieron camudase al polígonu de Valnalón en La Felguera.

Multipliquen por 7 la capacidá de la nave y pasen de los 90000l de producción a 150000l (con capacidá para 200000l), pero con una nave que-yos dexa llegar a muncha más. Y ye que la so idea ta nidia, siguir creciendo. Pero para ello, hubo que faer una fuerte inversión, y agora mesmu podemos afirmar que Cerveza Caleya cuenta con una de les instalaciones tecnolóxicamente más cimeres y modernes de tola península ibérica. Cunten con preseos para’l tratamientu de l’agua, para declorar y desclarificarla; con modernos tratamientos de llimpieza de depósitos y tuberíes dafechu automatizaos, con una nueva embotelladora … tou coles mires de consiguir la mayor profesionalización posible y evitar contaminaciones.

Pero ensin perder un plizcu de romanticismu, nin de llocura cervecera, que foi lo que los llevó hasta equí. Ye conocida la honradez de la marca, que prefirió tar 2 meses ensin cerveza nel mercáu (con tol riesgu qu’ello supon) a producir la so cerveza n’otra mientres camudaba de Rusecu a La Felguera.

Esa esencia, esa filosofía, acompañada de grandes cerveces, ye lo que valora la xente. Por eso ye una de les marques más queríes n’Asturies y por eso tienen aseguráu l’ésitu. Cunten agora, amás, cola ayuda de Carlos Algevis, maestru cerveceru venezolanu que s’afincó n’Asturies atraíu pola so filosofía. Con amplia esperiencia en cerveces americanes, supon un arriquecimientu mutuu, qu’aúne la filosofía del movimientu craf beer cola conocencia del mercáu asturianu (que ye complicáu para la cerveza artesano).

Agora mesmu puedes beber 4 cerveces abondo estremaes ente sí de Cerveza Caleya.

Asturies Pale Ale. La so primer cerveza, la más conocida, y la que vas atopar en más llocales. Ye un arguyu comprobar cómo inclusive llocales que nun son cerveceríes especializaes, yá la tienen como la so “cerveza de cabecera” un cañeru de Caleya fixu. Pale Ale al estilu americanu, con cuerpu mediu, pocu gas, y con arumes y sabores frutales. Tien un toque amargosu, pero tamién a malta, y déxate un final secu, lo que fai qu’enxamás canses d’ella y puedas tar bebiéndola ensin parar.

Mayuca Amber. 4 tipos distintos de malta pa una cerveza con un toque más dulzuxu, inclusive con sabor a carambelu. Lleva un puntu de lúpulu pa compensar y da-y un llixeru amargor a la fin que convida a siguir bebiendo. 5,7% d’Amber Ale. Ye la cerveza perfecto pa empecipiar nel mundu caleyeru si nun tas acostumáu a beber esti tipu de cerveces.

Soleyera, una Sesion Rye IPA que foi la postrera en xunise a la fiesta. Una cerveza más fresco, con toques cítricos, perfecta pal branu y que marca l’enclín de les nueves cerveces que tán por venir.

Y acabamos cola xoya la corona. Goma 2. Una IPA al estilu americanu, con sabores y arumes tropicales onde gana la presencia del llúpulu percima la malta. Maravíame cómo españa na boca’l so primer tragu, y cómo l’amargu final déxame con ganes de bebela hasta escosar toles sos esistencies. Y non solo soi yo’l fanáticu d’esta cerveza, lleva años considerada la meyor o ente los meyores IPAs de la península ibérica en tolos portales cerveceros especializaos. Por dalgo será …

Como veis, del 2011 hasta hoy cambiaron muchas cosas, pero lo que no cambió fue la sensación de orgullo y satisfaición cada vez que me bebo una Cerveza Caleya. Muchas gracias a Silver, César y Carlos por recibirme y hacerme pasar una tarde genial aprendiendo un montón de cerveza.

Como veis, dende’l 2011 hasta güei camudaron munches coses, pero lo que nun camudó foi la sensación d’arguyu cada vez que bebo una Cerveza Caleya. Munches gracies a Silver, César y Carlos por recibime y faeme pasar una tarde xenial aprendiendo un montón de cerveza.

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies