• Portada
  • >
  • Conceyos
  • >
  • Fiebre l’oru: siguen los permisos pa esplotaciones auríferes

Fiebre l’oru: siguen los permisos pa esplotaciones auríferes

  • 31 Agostu, 2017

Los actuales permisos de perforación y escavación afeuten a una superficie que suma más de 250 millones de metros cuadraos, incluyendo a diez conceyos

El “Principado” acaba de treslladar a la Coordinadora Ecoloxista d’Asturies la refuga de los allegamientos presentaos contra’l proyectu d’investigación minera denomáu “Montefurado”, de la empresa Emerita Resources España S.L.O. pa estudiar la posible presencia de d’oru, plata, y cobre  nos conceyos de Tinéu y Ayande, autorizándolos a un total de 30 sondeos y 10 escavaciones prospecciones y escavaciones n’allugamientos ensin precisar, nun espaciu de 26  millones de m2.

Ente los defeutos del proyeutu presentáu pola minera destaquen precisamente la falta de precisión sobro l’allugamientu de les esploraciones y el bien deficiente inventariu ambiental, que nun  inclúi la presencia del osu na fastera, asina como la completa ausencia d’informes d’impautu al padrimoniu.

Esti nuevu macro proyeutu de minería l’oru súmase a los otros autorizaos nos últimos años pol PSOE dende’l Principáu, qu’hasta’l momentu afeutaron a los conceyos de Belmonte, Tapia, Castropol, el Franco, Valdés, Boal, Eilao, Ayande, Cangas Narcea y Tinéu.

La C.Y.A recuerda que la minería d’oru asturiano xenera importantes movimientos de tierra y numberoses borrafes, al precisar de grandes movimientos de mineral pa consiguir gramos por tonelada y utilizase sustancies bien contaminantes pa concentrar los metales (nel Belmonte úsense cianuros), creando llamuergues cianuraes y virtiendo arsénicu nel suelu y les agües.

Llucía F.Marqués

This work is licensed under a Creative Commons Attribution 4.0 International License.

Dexa una rempuesta

La so direición de corréu lleutrónicu nun sedrá espublizada. Los campos precisos tan marcaos *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies