Énte la noticia apaecida en LNE, la sección sindical d’UGT amenacia con acciones xudiciales

Hai unos díes nel diariu La Nueva España apaeció una noticia, titulada “UGT y personal de Emulsa cuestionan la transparencia en una promoción interna“, na que s’informaba de que tanto la sección sindical d’UGT como un nuevu y asambleariu Colectivu de Trabayadores d’Emulsa cuestionaben los procedimientos de la empresa no referente a una promoción interna, abierta n’agostu y con unos plazos bien amenorgaos.

Por embargu, el Colectivu de Trabayadores d’Emulsa informa agora que la denuncia d’UGT nun yera más que una comunicación interna dientro de la mesma empresa, y qu’énte la noticia apaecida la reacción de los sos responsables sindicales foi la d’amenaciar con acciones llegales a quien unvió a la prensa esta información. Por ello consideren qu’esta denuncia nun foi más qu’un simple actu formal de cara a la galería, énte la presión y el malcontentu de dalgunos de los sos afiliaos.

This work is licensed under a Creative Commons Attribution 4.0 International License.