Les trabayadores d’ayuda en llar reclamen la remunicipalización

  • 15 Agosto, 2017

Les trabayadores d’ayuda en llar vienen d’organizase nuna plataforma, pa reclamar  la remunicipalización del serviciu en Xixón

Seique’l conceyu de Xixón aprobare’n  plenu l’añu pasáu devolver el calter municipal a esti serviciu, el fechu ye qu’agora mesmu siguen emprestándolu dos empreses privaes.

La próxima finalización de los contratos roblaos con estes empreses, en pocos meses, animó a les trabayadores –unes doscientes- a retomar la so reclamación pa evitar asina la renovación de los alcuerdos y que’l serviciu pase a tener calter públicu.

Na so contra tán los informes de los téunicos municipales, que desaconseyen la remunicipalización porque aumentaría’l costu’l serviciu “poniendo en peligru’l cumplimientu de los criterios d’estabilidá que s’imponen al conceyu”.

La campaña de movilizaciones y busca de sofitos entamó cola participación  na concentración a les puertes de la feria nel díe de la inauguración oficial de la Feria Internacional d’Amueses d’Asturies y desendólcase, enagora, a nivel de redes sociales, seique nun descarten movilizaciones si nun se ven meyores lluéu.

Redaición InfoAsturies

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies