Dos actos, ún n’Uviéu pela mañá y otru de tardi en Xixón, cellebrarán el cabudañu númberu diez de l’aprebación de la Declaración de les Naciones Xuníes so los drechos de los pueblos Indíxenes
Los pueblos indíxenes, más de 5000 repartíos en 90 países, heredaron y caltienen cultures, llingües, rasgos sociales, económicos y políticos estremaos de los predominantes nes sociedaes nes que viven, y carecen serios problemes a la hora de protexer los sos drechos como pueblos estremaos.
Les poblaciones autóctones busquen el reconocimientu de les sos identidaes, la so forma de vida ya’l drechu so los sos territorios tradicionales y recursos naturales. Más del 5% de la población mundial alcuéntrase nesta situación, que tan cercana nos resulta a los asturianos, tando la gran mayoría pente les poblaciones más desfavorecíes del planeta, representando el 15 por cientu de los más probes.
N’Asturies xunímonos a los otros pueblos indíxenes del mundiu na cellebración del décimu cabudañu de la Declaración de la ONU que fai por protexer los drechos d’estos pueblos, con una doble axenda: a les once la mañana, delantre l’araucaria de la Xunta Xeneral y a les 19:00h nel Paséu de Begoña, Xixón, con bailles xuegos y música de dellos pueblos.
Llucía F. Marqués
This work is licensed under a Creative Commons Attribution 4.0 International License.