Concentración de l’Asamblea de Trabayaores en Llucha na inauguración de la FIDMA

  • 4 Agosto, 2017

Esta tarde a les 16,30, frente a la entrada de la Feria Internacional de Muestres, una concentración reclamará los drechos de la clas obrera asturiana

Pa l’Asamblea de Trabayaores en Llucha hai muncho polo que se manifestar: contra los ERES, los despidos, los preslles d’empresas, los recortes y les privatizaciones, el  paru, la precariedá llaboral, la emigración forciada, la corrupción, la Llei Mordaza…

Por tou ello, la convocatoria ye abegosa de resumir: “Continuos ERES y preslles d’empreses, privatizaciones que desanicien puestos de trabayu, miles de xovenes forciaos a emigrar pa sobrevivir, precariedá llaboral, salarios que nun permiten una vida digna, recortes en drechos y servicios sociales…, acentuao tou con una escandalosa corrupción xeneralizada que desvía fondos públicos a bolsinos privaos, y llévanos tamién a la pérdida de drechos llaborales y sociales mediante l’aplicación d’una llexislación antiobrera y represiva”

Asina que, coincidiendo cola inauguración oficial de la Feria de Muestres de Xixón, convoquen esta tardi a una concentración que visibilice’l problema de los más de  100.000 paraos asturianos y de los munchos más trabayaores que tan careciendo l’emprobecimientu progresivu qu’acarreten  los recortes y perda de drechos llaborales que dende’l Gobiernu d’España se mos impón.

Llucía F. Marqués

This work is licensed under a Creative Commons Attribution 4.0 International License.

Deixa unha resposta

O teu enderezo electrónico non se publicará Os campos obrigatorios están marcados con *

Este sitio emprega Akismet para reducir o spam. Aprende como se procesan os datos dos teus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies. ACEPTAR

Aviso de cookies